انا جالى عريس

موضوع: انا جالى عريس الخميس ديسمبر 30, 2010 11:29 am

[ندعوك للتسجيل في المنتدى أو التعريف بنفسك لمعاينة هذا الرابط]
----
[ندعوك للتسجيل في المنتدى أو التعريف بنفسك لمعاينة هذا الرابط]

انا جالى عريس
****************

الكلمة ده متعرفوش
اثارها على البنات جالى عريس يااااااااه عريس هتزوج خلاص هستقر
هبعد عن
التحكم وعدم الاستقرار وهكون انا ست البيت !!!!

يا الله خلاص هبقى مسئولة نفسى هبقى براحتى لا مامتى هتقولى
قومى اشتغلى ولا بابايا هيقولى انت رايحة فين وجية منين

بيتى هيكون مملكتى وزوجى هيكون سندى وراحتى !!

ياالله مش ممكن خلاص معتش مشاكل ولا خلافات هعيش حياة تانية
وردية من غير تعب ولا خناق مع اخواتى ولا تحكم بابايا ولا اوامر مامتى !!

طيب وجالك منين يا اختى
ده احنا اتعرفنا عن طريق الشات قدرا سبحان الله
ولا ده صاحبى
فى الجامعة

ولا
بعتلى رسالة وبعتله واخدنا وادينا مع بعض وارتحنا لبعض الحمد لله

انتى واثقة فيه طبعا
طبعا ده بيموت فيه وهيتقدملى بس شويه كده على لما يكون نفسه

طيب وهتعملى ايه هتسبيه طبعا على لما يكون نفسه

اسيبه !!!
ازاى اسيبه ده انا ماصدقت لقيته
عررررررريس

فى زمن العرسان قلت فيه
يعنى اللى تلاقى عليها تمسك فيه بايديها وسنانها اوعى تسيبه اوعى !!

طيب والحل اايه

عادى يابنتى
وفيها ايه هنطمن على بعض بس عن طريق التليفون

يعنى مفيش مقابلات
لالا
مقابلات ايه بس هو انا بتاع الكلام ده

ولا مسجات لا ممكن رنات ومسدات وشويه مسجات مش مشكله
ده يعنى من بعيد لبعيد يعنى

بس ده حرام
حرام ايه بس
ايه التخلف العقلى ده
ايه حرمه ماحناهنتزوج يابنتى هو احنا بنلعب

بس النبى قال مااجتمع رجل وامرأةالا كان الشيطان ثالثهما

ااايه ده
اجتمعوا فين يابنتى بقلك مش هقابله

طيب مانتِ هتكلميه فى
التليفون والتليفون ده اجتماع ده انتِ غريبه صحيح

طيب والحل ايه
يبقى الحال
كما هو عليه

هذا الحوار يتكرر الاف المرات اخوانى واخواتى انا كاتباه من
كتر ماسمعت قصص من صحباتى اللى على ماسنجرى وغيرهم وكلها قصص واقعية

عاوزة اسالك يا اختى
بالله عليك انتِ فى الاول لما عرفتيه قلبك كان بيرجف صح !!
وانتِ بتكلميه فى التليفون الكلام بيطلع بالعافية

عارفه السبب !! لان الحياء كان لسه عندك فطرتك يعنى
اللى هتروح
كمان شويه

ده كان اول اتصال والتانى كذلك بس هه قل شويه الكسوف وطبعا
لانه بيقلك انت بتتكسفى منى ياحبيبتى !!

لازم طبعا تثبتى العكس
!!!!!!!!!

وانتِ بتسالى نفسك انا مالى بس مانا على الشات بكلمه
كويس جدا والكلام بيجيب بعضه مالى فى التليفون

اقولك مالك !! لان كلمات الكيبورد اسهل واعمق واجرأ
بكتير من التليفون ده فى الاول بس !!

بعد كده العمليه بدات تمشى معاكِ ايوة كده اول ما يتصل هقله
ازيك وحشتنى !!

وكان بيها فانتِ تخلصتى من الشحنة الثانية للحياء
هنيئاً لكِ
!!

وبعد كده لما الكلام جاب
بعضه بقى ها ياحبيبتى انا مش هشوفك

لالا مينفعش
اهلى ابويا امى اخواتى قرايبى حد يشوفنى !!

طيب لو قلتلك هنروح مكان
محدش هيشفنا فيه !!

قوليله بالفم
المليااااان
والله العظيم كداب

عارفه ليه لان
احنا فوق كل ارض وتحت كل سماء والله واسع عليم

يعلم خائنة الاعين وما تُخفى الصدور

شات + رساله + مكالمة + قلة حياء +موعد + مقابلة + نظرة +
ابتسامة + لقاء + لمسة =
بنت قليلة
الحياء خااائنه لله ولرسوله ولاهلها ولنفسها وغير محبة لدينها

اختى ارجع واقلك تانى انت جوهرة مصونه فى لؤلؤة مكنونة حافظِ
على نفسك حتى يحافظ عليك الله
وعمره ماهيتجوزك تعرف ليه لانه خلاص على لما ييجى يخطبك
هيكون ذهق منك خلاص
عاوز يغير
وده طبع الشباب الذى لايعرف معروفا ولا ينكر منكرا والذى يتبع هواه

بعكس كل ما قلت
انا عارفه ان نسبة العنوسة كترت والله ولكن اصلا السن الطبيعى
للزواج
دلوقت بقى 30 سنه وساعات اكتر كمانفى ظل الظروف الصعبة ده الشباب لا عارف يتجوز ولا يجهز شقه فى
طلبات الاهل اللى فى بعض الاوقات بتكون مرهقة

رساله الى اختى اللى
مصاحبة ولد وبتقول عادى
لا صداقه فى الاسلام
ولا متخذات
اخدان
واتق الله حيثما كنتٍِ ومتقلبيش على نفسك انك تكونى سلعة
رخيصة مش هيشتروكِ والله هيتفرجوا عليكِ بس ويهنوكِ
ومن ترك شيئا لله عوضه الله خيرا منه

رساله الى اختى التى لم تتزوج بعد
اصبرى ووالله
عريسك مكتوبلك وانتِ فى بطن امك ده رزق واليكى هذه الدرر الثمينة
فقلت استغفروا ربَكُمْ
انه كان غفارا يُرسِل السماءَ عليكم مدررا ويُمددكم بأموال وبنينَ ويجعل
لكم جنات ويجعل لكم انهارا
سورة نوح

ومتخليش الزواج شغلك الشاغل هتتعبى هتصحى تقولى عريس وتنامى
على عريس
ربنا بايديه يزوجك حالا
الدعاء ** قيام الليل ** الاستغفار
ده من الطاعات اللى بتقربنا من ربنا وليس وصفة
للى متزوجوش لا ابدا

لان البعض
اخترعوا ادعيه للزواج وليست صحيحة للاسف

رسالة الى اختى التى تقدم لها عريس ولم
يحدث النصيب
يا اختى ياحبيبتى
الخيرة فيما اختارها الله متزعليش نفسك ومتعرفيش ايه اللى هيحصل احنا بنشوف
المشكلة من بره انما لو شفناها من جوة وحكمة الله هتلاقيها خير والله خير

مش يمكن بعد مايتقدملك يموت والله حصلت لواحده صحبتى وهى
مكنتش وفقت من بره طبعا حاجة مش كويسه انما من جوة خير

مش يمكن يطلع انسان مش كويس وبيتصنع ادامك وبعد كده تكتشفى
وتعيشى فى جحيم

مش ممكن يكون مش بيخلف وانتِ بتحبى الاطفال وتعرفى بعد
كده

مش ممكن يكون اهله مش كويسين ويضايقوك وتعيشى فى
مشاكل وتندمى فى وقت لا ينفع الندم

واخيرا
الصبر مفتاح الفرج

الموضوع من خواطرى واللى تحب تنقله
تتفضل

[ندعوك للتسجيل في المنتدى أو التعريف بنفسك لمعاينة هذه الصورة]